( Gypsum Plastering) كارى گەچکاری

• گەچكارى( Gypsum Plastering) چييە ؟

كارى گەچکاری یەکێکە لە بڕگە سەرەکیەکانی كارى تەواوكارى ( فینیشینگ)ى  بەشی ناوەوەی هەر بينا و باڵەخانەیەک

گەچکاری  بريتييە لە داپۆشينى سەر ديوارى  بينا و باڵەخانەكان لە ڕووى ناوەوە بۆ بەشی هەرەزۆرىديوارەكان جگە لەو شوێنانەى كە شوێنى تەڕبوون و شێدارن ، كە لەكارى تەواوكاريدا پێويستە ئەو ڕوکارانەی كەهەن لە ديوارەكاندا گەچكارى بكرێت تاوەكو ڕوويەكى جوان و ساف و ڕێكمان پێ ببەخێشت. 

گەچ (Gypsum Plaster )  چییە ؟

چەند  پێکهاتەیەکی خاكى سرووشتييە كە لە ئەنجامى هاڕينى هەندێك جۆرى بەرد و گڵی تايبەتى  لە كورەى تایبەتى و لە پلەى گەرمى زۆر بەرزدا بەرهەم دەهێندرێت

• چۆنيەتى ئەنجامدانى كارى گەچكارى :-

كارى گەچكارى پێويستە بە شێوەيەكى زۆر هونەرى و ئەندازيارى ئەنجام بدرێت  بەم شێوەيەى خوارەوە :

 ۱- لە هەندێك ديواردا پێويستە پێش كارى گەچكاريەكە ڕووى ديوارەكان بە باشى پاك بكرێنەوە لە هەر پيسی و پاشماوەى كارى پێشتر  (  ئەگەر ديوارەكان كۆنكريتى بوون ، لابردنى تەل و شيش و هەر پاشماوەيەكيتر ئەگەر هەبوون ).

۲- پڕكردنەوە و كەچماڵى هەر شوێنێكى ديوارەكان كە شكێندرابن بۆ هەر كارێكى كارەباى يان ميكانيك بێت وەك ( شوێن بۆرى و بۆكس كارەباى و  هەر كارێكيتر ).

۳- كارى ( شەربەتاو ، لێدانى فيلە ( تەل مێشی تايبەت ) ) بە پێی جۆرى ديوارەكان .

٤- دانانى ( گۆ و مەستەر ) بە شێوەى ستوونى لە ئەرزەوە تاكو ژێر سەقف  كة پێويستە دوورى نێوان (مەستەرەكان) لە ( ۸۰سم بۆ ۱۰۰سم ) زياتر نەبن ، وە  واباشترە بەكار هێنانى گۆشەبەندى تایبەتى دژە ژەنگ (گەڵڤەنايز) بۆ گۆشە دەرەكيەكان ( خارجيەكان) بەكار بهێنرێت  ، بە مەبەستى ئەوەى ديوارەكان لە هەموو لاكاندا تەرازبن لە بارى ئاسۆی و ستوونى ، كە ئەم بڕگەيە سەرەكيترين كارى گەچكارييە . 

٥- دواتر كارى پڕكردنەوەى نێوان مەستەرەكان بە گەچ  كە لەم كاتەدا پێى دەوترێت ( طلَ طةض ) ياخوود چينى يەكەم كە ئەستووريەكەى لە نێوان ( ۲سم بؤ ۲.٥سم) دةبێت،  كە پێويستە زۆر بەباشى ئەنجام بدرێت بەپێى مەستەرەكان و بە شمشەى تايبەتى گەچەكە ڕابكێشرێت لە نێوان مەستەرەكاندا  نابێت بەرزى و نزمى تێبكەوێت .

٦- كارى ( سپيكارى )  ياخوود چينى دووەم يان كۆتای كە ئەستووريەكەى لە نێوان ( ۲ملم بؤ ۳ملم) دةبێت كە ئەم چينە باشترە يان پێويستە ماوەك بەسەر كارى (گەچکاریەکەدا) ڕۆيشتبێت ئينجا بكرێت بۆ ئەوەى چينى يەكەم زۆر بەباشى خۆى گرتبێت و وشك بووبێتەوە ، كە پێويستە ئەم چينە زۆر بە باشی و ورياى بكرێت بۆ ئەوەى شەپۆل  دروست نەبێت لەسەر ڕووەكە ، واباشترە لەكاتى ئەنجامدانى ئەم چينە ڕووناكى  گڵۆپى  گەورە بەكاربێت تاكو هەموو شوێنەكان ببيندرێت و شەپۆل دروست نەبێت .

ئامادەکردنی لەلایەن خێندکاری  بەشی ئەندازیاری دیکۆر 

نەشمیل ئەبوبەکر 

<< >>