مردنی هەست لە ستایلی مینیماڵیستدا

بەشی ئەندازیاری دیکۆری ناوەوە

KTI

زیاتر لە دە ساڵە مینیمالیزم زاڵ بووە بەسەر جیهانی دیزاینی ناوەوەدا. بە هێڵە پاکەکانی و پالێتە بێلایەنەکانی و نەبوونی شلۆقی، بەڵێنی ئارامی و ڕێکوپێکی و ڕوونی دەدات. زۆر کەس بەدوای ناوەوەی مینیمالیستیدا دەگەڕێن بۆ ئەوەی لە ئاژاوەی ژیانی ڕۆژانە ڕزگاریان بێت، بەو هیوایەی لە فەزای تەواو ڕێک و پێکدا ئارامیی بدۆزنەوە. بەڵام لە ژێر جوانی دیوارە سپییەکان و ڕەفە سیمیترییەکاندا، زۆرجار شتێکی جەوهەری لەدەست دەچێت: هەست. لە بەدواداچوون بۆ سادەیی، ڕەنگە ڕۆحی ئەو فەزایانەمان سڕیبێتەوە کە تێیدا دەژین. ئەم ڕاپۆرتە لێکۆڵینەوە لەوە دەکات کە چۆن دیزاینی مینیمالیستی، لە کاتێکدا لە ڕووی بینراوەوە دڵخۆشکەر، دەتوانێت کەسایەتی و گەرمی و جەوهەری مرۆڤایەتی لێبسەنێتەوە کە بەڕاستی ناوەوەکان زیندوو دەکەنەوە. مینیمالیزم وەک یاخیبوونێک لە ئاژاوەگێڕی سەریهەڵدا کەڕێگەیەک بوو بۆ سادەکردنەوە، بۆ کەمکردنەوە، بۆ دۆزینەوەی هاوسەنگی.

سەرچاوە و سەرهەڵدانی مینیمالیزم:

مینیمالیزم لە دیزاینی ناوەوە لە فەلسەفەی کەمکردنەوە لەدایک بووە. بە ئیلهام وەرگرتن لە زینی ژاپۆنی و سادەیی سکاندیناڤی و ئایدیاڵە مۆدێرنیستییەکان، کاردانەوەیەک بوو بەرامبەر بە زیادەڕەوی لە تامەزرۆیی بێدەنگی لە جیهانێکی ژاوەژاودا. هێڵە پاکەکان و پالێتی تاکڕەنگ و ڕووکاری ڕووت بوونە هێمای کۆنترۆڵی فیکری و پاکی جوانکاری و ئارامی ناوەوە.

بۆ ماوەیەک، کاریگەری هەبوو. خەڵک لە شوێنە چۆڵەکاندا دڵنەوایییان دەدۆزیەوە، کە هەموو شتێک شوێن و ئامانجی خۆی هەبوو. نەبوونی شڵەژان ڕوونییەکی پێشکەش دەکرد. بەڵام بە تێپەڕبوونی کات ئەوەی وەک هەڵبژاردنی دیزاینێکی ورد دەستی پێکرد، گۆڕا بۆ قاڵبێکی یەکسان. ماڵەکان دەستیان کرد بە یەکسان دەرکەوتن کە لە پێکهاتە، لە هەست زەوت کرابوون. بێدەنگی بوو بە بۆشایی.

لە ماڵێکی مینیمالیستیدا، نۆستالژیا لە کوێدا دەژی؟

 ڕۆح لە کوێ نیشتەجێیە کاتێک دیوارەکان سپی بن و ڕەفەکان چۆڵن و هەوا بۆنی هیچی تری نییە جگە لە ئارامیی دژە بەکتریا؟ هەست پێویستی بە چین هەیە. پێویستی بەو کورسییە کۆنە هەیە کە باپیرت لە شانەدا بووە، ئەو تابلۆیەی خوشکەکەت لە تەمەنی دوانزە ساڵیدا دروستی کردووە، ئەو چرا  کە لە ساتێکی خۆشیدا کڕیوتە. کاتێک بە ناوی دیزاینەوە ئەم شوێنەوارانە لا دەبەین، مرۆڤایەتی فەزایەک دەسوتێنین. کەواتە مینیمالیزم نەک تەنها جوانکارییەک، بەڵکو دەبێتە لەبردنی هەستەکاننی مرۆڤ.

بەڵام لەگەڵ ئەوەشدا شتێک خەریکە دەجووڵێنێت. هێواش هێواش، بە سەرپێچییەوە، هەستەکان خەریکە دەخزێنەوە ناوەوە وەک ئەوەی دیزاین خۆی برسی پەیوەندی بێت. ئێمە لە گەڕانەوەی ستایلە ئیکلێکتییەکان، بوژانەوەی ماکسیمالیستی، پێکهاتەی دەستی و ڕەنگی گەرمدا دەیبینین. 

دیزاین تەنها پەیوەندی بە فەنکشن یان فۆرمەوە نییە. پەیوەندی بە هەستەوە هەیە. وە لە بەدواداچوونمان بۆ کامڵبوون، با مردنی هەست لە ناوەوەی مینیمالیستیدا کۆتایی نەبێت، بەڵکو خاڵی وەرچەرخان بێت. با تەنها بە عەقڵمان، بەڵکو بە دڵمان دیزاین بکەین.